loading...

Motherboard Ki Jankari | Motherboard Ke Types Ki Jankari Hindi Me

[caption id="attachment_3838" align="aligncenter" width="350"]Motherboard Ki Jankari | Motherboard Ke Types Ki Jankari Hindi Me Motherboard Ki Jankari[/caption]

Motherboard Ki Jankari


Hello Dosto! aajke iss lekh ka topic hain motherboard ki detail jankari. aajke iss lekh main aap logo ko motherboard kaise kaam karta hain se lekar motherboard ke zaruri hisso ke bare main pata chalne wala hain. Toh aap logo se humari bas yahi request hain ki aap log iss lekh ko acchi tarah se read kariye taki aap logo ko Motherboard Ki Jankari hasil ho sake.



Motherboard kya hain?


Dosto! Motherboard computer ke sabse mahatwa purna hisso main se ek bahut hi zaruri hissa hain. Yahi woh cheez hain jo computer ke sabhi parts ko ek sath jode rakhta hain, jis main humara CPU bhi aata hain. Wese toh computer motherboard ek sadharan sa plastic ka bana hota hain, lekin iske upar copper aur alumium ki parat chadhi hoti hain. Iske alawa bhi motherboard ke sath bahut se chip, port's aur slots bhi jude hote hain. Inn sabka akar bahut hi chhota chhota hota hain lekin computer ko operator karne main inn sabka koi na koi mahatwa purna karya zarur hota hain.




Motherboard ke types


Agar apko Motherboard ki jankari chahiye to hum apse ek sawaal puchna chahenge. Kya aapne kabhi apne computer ke CPU ko khol kar uske motherboard ko dekha hain? Agar aap CPU ko khol kar motherboard ko dekhenge, toh aapko usko bahut se alag alag hisso main dekhenge. Khair, motherboard ke kaam karne ke tarike ko janne ke liye humara motherboard ke har ek hisse ke bare main janna zaruri nahi hain. Lekin motherboard ke kuchh hisse ayese hain, jinke bare main jankari hasil karna humare liye bahut jada zaruri hain. Kyun ki jab tak aap logo ko motherboard ke unn hisso ke bare main jane bina aap logo ki motherboard ke kaam karne ke tarike ke bare main acchi tarah se samajh main nahi ayega.


Aap logo ke liye yeh bhi jan lena bahut jada zaruri hain ki motherboard humare computer ke sath kis tarah se juda hua hain. Toh chaliye ab hum motherboard ke kuchh hisso ke bare main jan lete hain. Motherboard Ki Jankari thodi aur detail me padhte he.




Processor socket


Aapke motherboard ke kendra ka jo hissa hota hain ussi ko processor socket kaha jata hain. Yeh computer ko diye gaye kisi bhi input ko process karta hain. Processor socket ko computer ka dimag aur computer ka kendra bhi kaha jata hain.



Power connector


Ab yeh baat toh aap logo ko bhi acchi tarah se pata hoga ki koi bhi computer ya computer ka koi bhi part bina power ke nahi chal sakta, isiliye computer main power connection ka hona bahut jada zaruri hota hain. Power connector kuchh pino ka bana hota hain, iss main lagbhag 20 se 24 pin hote hain aur yeh computer motherboard ke dayi taraf hota hain. Yahi se yeh power leta hain aur computer ke baki hisso ko power deta hain.



Memory slots


Motherboard ke upar se dayi taraf jo part rahta hain, ussi ko memory slot kaha jata hain. Yeh computer ke har memory ke module ko sambhalta hain. Wese har computer main alag alag memory slot kaam karte hain aur aap logo ki jankari ke liye bata de ki aaj kal ke naye computer main DDR3 ka istemaal kiya jata hain.




Video card slot


Video card slot humare computer main video ko chalane main help karta hain. Yeh motherboard ke niche dayi taraf milta hain. Suppose aapke computer ke motherboard main video card slot nahi hain toh aap computer par video nahi dekh payenge. Aaj kal ke kai computer main toh ek se jada video card slot hote hain taki unn computers main high quality wale game chal sake.



Expension slot


Iss slot ki help se hum apne dwara dala gaya bahar ka koi bhi software install kar sakte hain. Jaise ki agar aap apne computer main TV tuner ya video capture card ityadi software dale toh woh sab issi slot ki madat se aapke computer main install ho pate hain. Yeh aapke motherboard main video card slot ke thik niche diya hota hain.



IDE aur SATA port


Yeh dono ports aapke computer main storage device ko aur optical drives ko connectivity pradan karte hain. Inn main se IDE port ab bahut kam istemaal kiya jata hain. Hala ki ab IDE ki jagah ab SATA ne le li hain. SATA port IDE port se kafi chhota hota hain lekin usse tez gati se yeh kaam karta hain. Aur ab toh SATA port ke kuchh naye roop bazar main aa gaye hain jaise ki SATA1, SATA 2, SATA 3 ityadi. Inn sab main se ek hi humare computer ke motherboard main lagta hain aur uska chayan computer motherboard ko dekhkar kiya jata hain.




BIOS chip aur battery


Yeh chip computer ke boot process se adharit code leti hain aur usko computer ke operating system tak le jati hain. Isse kaam karne ke liye lagatar power ki zarurat hoti hain, isiliye usse power dene ke liye ek battery ke sath joda jata hain. Aur iski khas baat yeh hain ki yeh computer ke unplug hone hi ne par bhi kaam karta hain.



North bridge aur south bridge


North bridge motherboard ka ek bahut hi zaruri hissa hota hain jo ki zimmedar hota hain memory, video card, aur processor ke bich ke data ke bahaw ke liye. Wese south bridge ka kaam chhota hota hain. Yeh processor aur south card ya network card ke bich ke data ke bahaw ke liye zimmedar hota hain. Aap logo ko yeh bata de ki yeh dono aapke motherboard ke niche dayi taraf hote hain. Inke sath aur ek device bhi juda hota hain jisse hum heatsink bhi kaha jata hain. Heatsink metal ka bana hota hain aur kaam hota hain north bridge aur south bridge ko thurmal (jada garmi) bachaw thhe.



Front panel connector, USB header aur audio header


Front penal connector aapke CPU ke box ke bahar diye gaye connection ke hisso ko kaha jata hain, jisko power button, reset button, power led, audio connector aur USB connector diye jate.



Rear connector


Yeh connector computer ke andar ke hisso aur bahar ke hisso ko jodne ka ahem kam karta hain. Yeh connector motherboard ke bayi or bilkul kinaro par diye jate hain. Jaha AAP apne computer ke baki hisse jaise ki mouse, keyboard monitor, speaker ityadi ko jodte hain.


Yeh kuchh motherboard ke hisse hain, jinki madat se aapke computer ka motherboard kaam kar pata hain.


Toh Dosto! Pasand aaya na aap logo ko upar ka Motherboard Ki Jankari lekh. Toh ab bas aap log inn tricks ko follow kariye aur apne parivaar walo dosto aur relatives ke sath bhi inn jankario ko zarur share kariye.




Computer Format Kaise Kare?


Powered by Blogger.