 |
| Achha Vyavahar Kaise Kare - Acha Insan Kaise Bane |
Achha Vyavahar Kaise Kare
Aaj ke humare iss post ka topic hain Achha vyavahar kaise kare and acha insan kaise bane. Aap logo ko aaj hum acche vyabahar ke bare main kuchh tips dene wale hain. Toh aap logo se humari bas yahi request hain ki aap log iss pure post ko acchi tarah se read kariye. Taki aap logo ko hume kisike sath kaise vyabahar karna chahiye iss baat ke bare main sampurna knowledge ho sake.
Achha vyavahar kaise kare - tips
Galat word ka istemaal na kare
Kabhi kisi ke sath baat karte waqt galat word ka istemaal na kare. Life main humare aas paas bahut sare log hote hain. Bahut logo ke sath humara rishta waqt ke sath sath jud jata hain. Zindagi bhar hume unn rishto ko nibhana hota hain. Unn rishto ke alawa bhi ek aur rishta hain aur woh hain insaniyat ka rishta. Hum jis insan ko jante tak nahi uss insan ke sath bhi hume life main bahut baar baat karna pad jata hain. Issi tarah se dunia main har ek insan ek dusre ke tauch main rahta hain.
Toh inn sab cheezo ko acchi tarah se maintain tabhi kiya ja sakta hain jab humara behaviour accha ho. Jin logo ka vyabahar accha nahi hota unn logo ke sath na toh baat karna kisiko accha lagta hain. Na hi koi ayese logo ke sath rahna pasand karta hain.
Attitude kaise ho
Toh jab hum kisi insan ke sath baat karte hain toh humara nature ayesa hona chahiye ki hum unke sath respect ke sath baat kare. Baat chit ke dauran hum kisi bhi tarah ke galat word ka istemaal na kare. Chahe apna ho chahe paraya ho hume kisike bhi sath battamizi ke sath baat nahi karna chahiye. Kabhi kabhi baat chit ke dauran humare bich thoda man mutav ho jata hain tab hum gusse main uss insan ke liye kisi galat word ka istemaal kar dete hain.
Jab gussa shant hota hain tab hume uss baat ke liye fir bura bhi lagta hain. Baad main bura lagkar bhi ya afsos karke bhi koi fayda nahi hota. Agar hum baad main apne ayese behaviour ke liye mafi bhi mang lete hain. Samne wala insan hume maaf bhi kar deta hain fir bhi yeh baat humesha yaad rah jati hain. Inn sab ka result yahi nikalta hain ki humara rishta hi kharab hota hain.
Isiliye hume jitna ho sake apne gusse ko control main rakhne ka prayas karna chahiye. Kisi insan par chahe jitna bhi gussa kyu na aaye lekin hume usko kuchh ayesi baat nahi bolni chahiye jisse uss insan ko bura lage ya humesha ke liye humare character par ek dhabba lag jaye. Aap logo ko bhi hum yahi salah denge ki aap log kabhi bhi kisike sath baat karte waqt galat word ka istemaal na kar.
Galat baat par sorry bol de
Agar kisiko aapko koi baat buri lag jaye toh turant jakar usko sorry bol de aur usse maafi mang le. Kabhi kabhi jane anjane main hi hum kuchh ayesa bol jate hain jisse kisiko bura lag jata hain. Toh ayese main humara yahi kartavya hain ki hum turant jakar uss insan se maafi mang le. Agar kisi apne ko aapne heart kiya hain toh ho sakta hain ki woh naraz ho jayega. Kyun ki hum jis insan se jada pyar karte hain ussi insan ki baato ka hume sabse jada bura lagta hain.
Jo insan aapse pyar karta hain usko heart karna bahut hi galat baat hain. Toh agar koi aapke kisi baat se kabhi naraz ho jaye toh aapko chahiye ki aap turant uss insan ke paas jaye. Uss insan se maafi mang le. Ho sakta hain woh aapke ek baar sorry bolne par ya maafi mangne par aapki baat na sune lekin aapko haar nahi manni hain. Usse tabtak manate rahe jab tak woh puri tarah se maan nahi jaye.
Ho sakta hain ki aapko bhi uss insan se do char baate sunni pade lekin aapko dhiraj ke sath uss insan ko manate rahna hain. Kisi bhi relationship ko acchi tarah se chalane ke liye behaviour bahut jada matter karta hain. Isiliye aap logo se bhi humari yeh request hain ki aap log humesha sabke sath accha vyabahar kare. Kabhi bhi kisiko agar galti se bhi heart kar de toh turant jakar uss insan se baat kare.
Ek hi baat ko lekar kisiko baar baar tana na de
Agar aap soch rahe ho ki achha vyavahar kaise kare toh yeh point bilkul na kare. Kuchh logo ka yeh swabhav hota hain ki woh kisiki ek hi galti ko ya baat ko baar baar pakad kar rakhte hain. Ussi galti ko lekar uss insan ko lekar baar baar tana dete rahte hain. Ayesa nature bilkul bhi accha nahi hota. Iss dunia main koi bhi Insan perfect nahi hota aur har insan se galti hoti hain. Lekin agar kisi se ek baar galti ho jaye toh ussi galti ke base par hum uss insan ko judge nahi kar sakte.
Uss insan ko ussi galti ko lekar baat baar tana dena ek bahut hi bad manners hain. Logo ka behaviour hi yeh tay karta hain ki woh insan kaisa hain. Agar humara vyabahar hi accha na ho toh humara lakh accha aur khubsurat hokar bhi koi fayda nahi hain. Iss dunia main sabse jada zaruri hain humara vyabahar. Hum sabko yeh koshish karni chahiye ki humara behaviour sabke sath accha ho.
Mehman ka khayal rakhe
Agar aapke ghar par koi aaye toh unka har tarah se khayal rakhe. Agar aapke ghar par koi aaye toh aapka farz hain ki aap usko pura pura izzat de. Uski har ek zarurat ka khayal rakhe. Kabhi kabhi kuchh log apne ghar main kisiko bula toh lete hain lekin usko sahi izzat nahi de pate hain. Lekin yeh habit bahut hi galat hain dosto. Aap logo se humari yahi salah hain ki aap log humesha apne vyabahar ke upar dhyan de. Apne ghar par aaye hue kisi bhi insan ko pura pura izzat de.
Toh kaisa laga apko aaj ka yeh topic Achha vyavahar kaise kare? Toh ab bas aap logo se humari yahi request hain ki aap log iss lekh ko acchi tarah se read kariye. Iss lekh main diye gaye tips ko acchi tarah se follow kariye. Apne behaviour ko well tarike se develop kar lijiye. End main hum aap logo ki salamati aur khushi ke liye dua karte hue iss lekh ko khatam karte hain.
